2024 yil aprel oyida "Nova Solutions" ishlab chiqarish markazida bosma platalarning birinchi avtomatlashtirilgan sirt montaj liniyasi foydalanishga topshirildi. Birinchi tayyor maxsulot seriyasi NS-50 dasturlashtiriladigan mantiqiy kontrollerlari uchun chiqarildi. Avtomatlashtirilgan liniyaning ishga tushirilishi kompaniyaga shartnoma asosida ishlab chiqarish bo'yicha autsorsing xizmatlaridan voz kechishga va belgilangan maqsadga – ishlab chiqarishning to'liq siklini yaratishga ishonch bilan intilishga imkon beradi.

Ishlab chiqarish uchun eng yangi parametrlarga ega bo’lgan va takomillashtirilgan xususiyatlarga ega zamonaviy yuqori texnologiyali uskunalar buyurtma qilindi. Ishlab chiqarish quyidagi uskunalarni o'z ichiga oladi: Trafaret bosib chiqarish printeri, pastaning surilish darajasini tekshirish (SPI), SMD komponentlarini o'rnatuvchi, eritib yopishtiruvchi konveksiya pechi va avtomatik optik tekshirish (AOT). Shu bilan birga kompaniya soatiga 118 000 komponentni yuqori tezlikda o'rnatuvchini uskuna sotib oldi, bu esa shunga o'xshash uskunadan ikki baravar ko'p.

Avtomatlashtirilgan texnologik liniyaning ishga tushirilishi “NOVA Solutions” kompaniyasi va O'zbekiston Respublikasi Innovatsion Rivojlanish vazirligi bilan birgalikda amalga oshirilayotgan O'zbekiston Respublikasida mikroelektronika tarmog'ini rivojlantirish bo'yicha tasdiqlangan kompleks dastur doirasida amalga oshirildi. Bosma platalarni sirtga o'rnatishning avtomatlashtirilgan liniyasini ishga tushirish to'g'risidagi qaror O'zbekiston Respublikasi innovatsion rivojlanish vazirligi tomonidan 2022 yilda qabul qilingan.

18.04.2024